Monday, August 27, 2012

എയര്‍ ഇന്ത്യയുടെ മായാജാലം...

എയര്‍ ഇന്ത്യയുടെ മായാജാലം...

അങ്ങനെ എയര്‍ ഇന്ത്യയുടെ ലാഭ- നഷ്ടക്കണക്കുകള്‍ (നഷ്ടക്കണക്കുകള്‍ എന്ന് തിരുത്തി വായിക്കാന്‍ അപേക്ഷ) വീണ്ടും പുറത്തു വിട്ടു... നഷ്ട്ടം കേവലം 1705 കോടി മാത്രം..!!! അന്തര്‍ദേശീയ സര്‍വീസ് രംഗത്താണ് 2009, 2010, 2011 വര്‍ഷങ്ങളില്‍ ഇത്രയും കനത്ത നഷ്ടം വന്നത്... ഇതൊക്കെ പോരാത്തതിന് എയര്‍ ഇന്ത്യയുടെ സ്വന്തം പൈലടുമാര് അവരുടെ വകയായി രണ്ടു മാസത്തെ സമരം വഴി( ഗള്‍ഫ്‌ സെക്ടറിലെ ഏറ്റവും കൂടുതല്‍ ആളുകള്‍ യാത്ര ചെയ്യുന്ന സമയത്ത് മറ്റു എയര്‍ കമ്പനികളുമായി ഒത്തു കളിച്ചു കൊണ്ട് രണ്ടു പേരുടെയും കീശ വീര്‍പ്പിക്കാനുള്ള കലാപരിപാടി ആയിരുന്നു ആ സമരം..??? ) ഉണ്ടാക്കിയ നഷ്ട്ടം 600 കോടിയും...!!! 
എപ്പോ നോക്കിയാലും സീറ്റ്‌ ഇല്ല എന്നോ അല്ലെങ്കില്‍ വലിയ റേറ്റ് കാണുന്ന എയര്‍ ഇന്ത്യ എങ്ങനെ ഇത്രയും നഷ്ട്ടതിലായി എന്ന് അല്ഭുതപ്പെട്ടാണ് നഷ്ട്ടക്കണക്കുകളുടെ വിശദ വിവരങ്ങള്‍ അന്വേഷിച്ചത്, അപ്പോഴാണ്‌ പിടിപ്പു കേടിന്റെ ഉള്ളു കള്ളികള്‍ പുറത്തു വരുന്നത്..
പ്രധാനപ്പെട്ട സെക്ടരുകലാണ് അമേരിക്ക, കാനഡ, യുറോപ്, ഗള്‍ഫ്‌ എന്നിവ... വിവിധ സെക്ടരുകളുടെ കണക്ക് നോക്കുകയാണെങ്കില്‍,  2009-10, 2010-11, 2011-12 സാമ്പത്തിക വര്‍ഷങ്ങളില്‍ യു.എസ്, യൂറോപ് സെക്ടറുകളില്‍നിന്ന് യഥാക്രമം 1078 കോടി, 1707 കോടി, 596.9 കോടി എന്നിങ്ങനെയാണ് വരുമാനം. എന്നാല്‍, ചെലവ് യഥാക്രമം 2057 കോടി, 2861 കോടി, 983 കോടി എന്നിങ്ങനെയാണ്. അതായത് ഈ സെക്ടറുകളില്‍ ഓരോ വര്‍ഷവും 979 കോടി, 1154 കോടി, 386.1 കോടി എന്ന ക്രമത്തില്‍ നഷ്ടം സംഭവിച്ചു.. അതായത് മൂന്നു വര്‍ഷത്തെ മൊത്തം നഷ്ട്ടം 1705 കോടിയും അമേരിക്ക, കാനഡ, യുറോപ് സെക്ടോരുകളില്‍ നിന്ന് മാത്രം 2519 കോടിയും..!!!  അതായത് അമേരിക്ക, കാനഡ, യുറോപ് സെക്ടരുകളില്‍ ചിലവഴിക്കുന്നതിന്റെ പകുതിയോളം നഷ്ട്ടമായി മാറുന്നു..!!!  
 യു എസ്, യുറോപ് സെക്ടരുകളില്‍ നിന്ന് മാത്രം 2519 കോടി നഷ്ട്ടം ഉള്ളപ്പോ  മൊത്തം നഷ്ട്ടം 1705 കോടി മാത്രമായതെങ്ങനെ എന്നാ ചോദ്യമാണ് പിന്നെ വരുന്നത്...അവിടെയാണ് എയര്‍ ഇന്ത്യയുടെ മായാജാലം..!!!  ഗള്‍ഫ്‌ സെക്ടറിലെ കണക്കു ചേര്‍ത്ത് വായിക്കുമ്പോള്‍ ആണ് ഈ നഷ്ട്ടം കുറയുന്നത്, അതായത് ഗള്‍ഫ്‌ സെക്ടറിലെ യാത്രക്കാരില്‍ നിന്നും പിഴിഞ്ഞെടുക്കുന്ന പണം മറ്റു സെക്ടറില്‍ നിന്നും ഉണ്ടാകുന്ന നഷ്ട്ടത്തിന്റെ അളവ് കുറയ്ക്കാനാണ് പോകുന്നത് എന്ന്..!!! സാധാരണ നല്ല ലാഭം തരുന്ന ഉപഭോക്താക്കളോട് ഉടമകള്‍ പുലര്‍ത്തുന്ന ഒരു നയം ഉണ്ട്, അവര്‍ക്ക് കൂടുതല്‍ സൗകര്യം ചെയ്തു കൊടുത്തു അവരെ സന്തോഷിപ്പിച്ചു പിടിച്ചു നിര്‍ത്തുക എന്ന്... എവിടെ..!!! 4-5 മണിക്കൂര്‍ മാത്രം യാത്ര  ദൈര്‍ഘ്യം ഉള്ള  ഗള്‍ഫ്‌ സെക്ടരുകളിലെ ടിക്കറ്റ്‌  നിരക്കും  പത്തു മണിക്കൂറിനു മുകളില്‍  യാത്ര  ദൈര്‍ഘ്യം ഉള്ള മറ്റു സെക്ടരുകളിലെ നിരക്കും വെച്ച് നോക്കുമ്പോള്‍ അറിയാം എത്ര മാത്രം 'സൌകര്യങ്ങള്‍' ചെയ്തു കൊണ്ടാണ് അവരെ 'പിടിച്ചു' നിര്‍ത്തുന്നത്(നാട്ടിലുള്ളവരെ അവിടെ തന്നെയും ഗള്‍ഫിലുള്ളവരെ അവിടെ തന്നെയും..!! ) എന്ന്..!!! ഗള്‍ഫ്‌ സെക്ടറുകള്‍ ഒഴിച്ച് മറ്റു സെക്ടരുകളില്‍ ഇത് വരെ കാര്യമായ യാത്ര പ്രശ്നങ്ങള്‍ കേട്ടിട്ടില്ല, ഇത് വരെ ആ ഭാഗതോട്ടു യാത്ര ചെയ്യാത്തത് കൊണ്ട് അതിന്റെ വിവരങ്ങളും അറിയില്ല.. എന്തായാലും നഷ്ട്ടക്കനക്ക് വെച്ച് നോക്കുമ്പോ വിമാനങ്ങള്‍ ആളില്ലാതെ ഓടുന്നു അല്ലെങ്കില്‍ കുറഞ്ഞ നിരക്കില്‍ ഓടുന്നു എന്ന് മനസ്സിലാക്കാം.. അമേരിക്കന്‍ സെക്ടറിലെ സീസണും ഗള്‍ഫ്‌ സെക്ടറിലെ സീസണും ഒരുമിച്ചല്ല എന്നിരിക്കെ എന്ത് കൊണ്ട് ലാഭം തരുന്ന ഗള്‍ഫ്‌ സെക്ടറിലെ സീസണ്‍ സമയത്ത് കുറച്ചു വിമാനങ്ങള്‍ അധികം ഇട്ടു കൊണ്ട് യാത്രക്കാര്‍ക്ക് സൌകര്യവും എയര്‍ ഇന്ത്യയുടെ ലാഭവും കൂട്ടുന്നില്ല..?? എയര്‍ ഇന്ത്യയുടെ ഈ അനാസ്ഥ മുതലെടുത്ത്‌ കൊണ്ട് ഏറ്റവും കൂടുതല്‍ മെച്ചം ഉണ്ടാക്കുന്നത് വിദേശ വിമാന കമ്പനികളാണ്.. നമ്മുടെ രാജ്യത്ത് എത്തേണ്ട വന്‍ തുകയാണ് എയര്‍ ഇന്ത്യയുടെ ഈ കെടുകാര്യസ്ഥത കൊണ്ട് നഷ്ട്ടമാകുന്നത് എന്നതോടൊപ്പം സ്വന്തം പൌരന്മാര്‍ക്ക് സാമ്പത്തികമായും മാനസികമായും വന്‍ ബുധിമുട്ടുകലുമാണ് എന്നതും കൂടി ചേര്‍ത്ത് വായിക്കുക...  
വാല്‍കഷ്ണം :എന്റെ ചേട്ടാ, ലക്ഷം കോടികളുടെ അഴിമതിയും നഷ്ട്ടക്കക്കുകളും പുറത്തു വന്നോണ്ടിരിക്കുംബോയ എയര്‍ ഇന്ത്യയുടെ ഒരു 1700കോടിയുടെ കണക്കും കൊണ്ട് വന്നിരിക്കുന്നെ , ഒന്ന് പോടപ്പാ...!!!! അവരൊക്കെ ഇത്രേം ചെയ്യുമ്പോ ഞങ്ങള്‍ ആയിരത്തിന്റെ കണക്കെങ്കിലും പറയണ്ടേ, അല്ലെങ്കില്‍ ലക്ഷക്കണക്കിന്‌ രൂപ മാസാ മാസം എണ്ണി വാങ്ങി എയര്‍ ഇന്ത്യയുടെ തലപ്പത്തിരിക്കുന്ന ഞങ്ങള്‍ക്ക് മോശമല്ലേ..!!! 

Saturday, August 25, 2012

ബോംബു(ക്ഷമിക്കണം, സ്ഫോടക വസ്തു..!!)


റെയില്‍ പാളത്തില്‍ ബോംബു കിട്ടി എന്ന് വാര്‍ത്ത കണ്ട ഉടനെ പ്രതീക്ഷിച്ചു തീവ്രവാദ-വര്‍ഗീയ വാദ ചര്‍ച്ചകളും പോടീ പൂരങ്ങളും.. പക്ഷെ ആദ്യം തന്നെ ചിലത് മണത്തു... മണം ശേരിയായിരുന്നു എന്ന് പിന്നെയുള്ള വാര്‍ത്തകളില്‍ നിന്ന് ഉറപ്പിക്കുകയും ചെയ്തു.. സാധാരണയായി ബോംബു കണ്ടെത്തിയാല്‍ ഉടനെ വരും തീവ്രവാദികളുടെ അട്ടിമറി ശ്രമം ആണെന്ന് സംശയിക്കുന്നു, നിരോധിക്കപ്പെട്ട സംഘടനകളുടെ പങ്കു പരിശോധിക്കും തുടങ്ങി മുട്ടന്‍ ചര്‍ച്ചകളും ആവശ്യങ്ങളും.. കഴിഞ്ഞ ദിവസം കോട്ടയത്ത്‌ ബോംബു കണ്ടെത്തിയപ്പോ ഇതൊന്നും കാണാതായപ്പോ എന്താ ഒന്നും ഇല്ലാത്തത് എന്ന് ആലോചിച്ചു ഇരിക്കുംബോയാണ് ബോംബു വെച്ച പാത്രത്തില്‍ തോമസ്‌ എന്നാ പേരുണ്ടായിരുന്നു എന്നാ വാര്‍ത്ത..!!! ചുമ്മാതല്ല ചര്‍ച്ചകള്‍ കൊടുമ്പിരി കൊള്ളാതായിപ്പോയത് .. അങ്ങനെ തോമസിനെ ചോദ്യം ചെയ്തു തുടങ്ങി... തോമസ്‌ പറഞ്ഞു ഞാന്‍ ഒന്നും ചെയ്തിട്ടില്ല, എന്നോട് ദേഷ്യമുള്ള ആരോ ചെയ്തതാവുമെന്നു... അതാ മനസ്സില്‍ വീണ്ടും ഒരു ലഡ്ഡു പൊട്ടി.. ആ ദേഷ്യമുണ്ടായിരുന്ന ആളെങ്ങാനും 'ബോംബി'ന്റെ ആളായിരിക്കണേ...എന്നിട്ട് വേണം ചര്‍ച്ചകള്‍ തുടങ്ങാന്‍.. ഒടുവില്‍ അയാളുടെയും പേര് പുറത്തു വന്നു, സെന്തില്‍..!! നോക്കണേ കഷ്ട്ട കാലം...ഇതിപ്പോ ചീറ്റി പോയല്ലോ.. എന്തൊക്കെ വിചാരിച്ചതേനും,രാജ്യത്ത് ടിഫിന്‍ ബോക്സില്‍ ബോംബു വെച്ച് നടന്നിട്ടുള്ള എല്ലാ സ്ഫോടനങ്ങളും പുനരന്വേഷിക്കണം, അന്താരാഷ്‌ട്ര ബന്ധങ്ങള്‍ പുറത്തു കൊണ്ട് വരിക, എവിടുന്നൊക്കെ സഹായം കിട്ടി എന്ന് അന്വേഷണം നടത്തണം തുടങ്ങി  പോയന്റുകളൊക്കെ  ഭംഗിയായി നോട്ട് ചെയ്തു വെച്ചതെനും, ചാനെലില്‍ കേറുമ്പോ ഒന്നും വിട്ടു പോകരുതല്ലോ..!!!  മുംബ് ഇമെയില്‍ കേസില്‍ ഒരു ബിജു കുടുങ്ങിയിരുന്നു, ആദ്യം ബിജു എന്നാ പേര് കേട്ടപ്പോ എല്ലാരുടെയും മുഖമങ്ങു മങ്ങി, പിന്നെയല്ലേ വാര്‍ത്ത വരുന്നത് ബിജു സലിം എന്നാണു എന്ന്..പിന്നെന്താ പറയാന്‍, മനസ്സില്‍ ഒരു ആയിരം ലഡ്ഡു ഒരുമിച്ചു പൊട്ടിയത് പോലെ..!!! പിന്നെ ഒന്നും നോക്കിയില്ല പൌടറും  ഇട്ടു ചാനെല്‍ റൂമുകള്‍ മാറി മാറി കയറി ഇറങ്ങി അങ്ങട്ട് ആഘോഷിച്ചു..അത് പോലെ ഇനിയിപ്പോ ഈ സെന്തിലിന്റെ കൂടെ എന്തേലും വാലുണ്ടോ എന്ന് അന്വേഷിച്ചു നോക്കാം, വല്ല വാലും ഉണ്ടെങ്കില്‍ ഇട്ട പൌടരും എഴുതി വെച്ച നോടുകളും വെറുതെ ആവില്ലല്ലോ...!! ഒടുവില്‍ ആള് പിടിയിലായി, എന്താ ചെയ്യാനാ നമുക്ക് വേണ്ട ഒരു വാലും ഇല്ല,ആകെ ഉള്ളത് കുമാര്‍ എന്നാ വാല് മാത്രം... എല്ലാ ലഡുവും ഒരുമിച്ചു എക്സ്പൈറി ഡേറ്റ് കഴിഞ്ഞ പോലെ ആയിപ്പോയി.. എന്നാ പിന്നെ ഒന്നും നോക്കണ്ട, കുറെ കാലായില്ലേ മാനസിക രോഗി തന്നെ അടിച്ചു വിടുന്നു, അത് കൊണ്ട് ഇപ്രാവശ്യം മാറ്റി പിടിക്കാം,അത് കേവലം വ്യക്തി വൈരാഗ്യം മാത്രം,ബോംബോന്നുമല്ല, അതൊരു സ്ഫോടക വസ്തു മാത്രം....!! വ്യക്തി വൈരാഗ്യം തീര്‍ക്കാന്‍ തീവണ്ടിക്കാണോ ബോംബു(ക്ഷമിക്കണം, സ്ഫോടക വസ്തു..!!) വെക്കുന്നത്, ടൈമര്‍ ഘടിപ്പിച്ച ബോംബുണ്ടാക്കാന്‍ എവിടുന്നു പരിശീലനം കിട്ടി, ആരൊക്കെ സഹായിച്ചു, തുടങ്ങിയതോന്നും ചോദിക്കേണ്ട കാര്യമില്ല..അത് നമ്മുടെ വിഷയമേ അല്ല... അയാള് നിരവധി സ്ടെഷന്‍ പരിധികളില്‍,നിരവധി ക്രിമിനല്‍ കേസുകളിലെ പ്രതിയാണെന്ന കാര്യം പ്രത്യേകിച്ചും..!!! 
നമോ വാകം...!!!